SATURDAY - EK KEN... 'N OU OU LIEDJIE
09h00-12h00

PRESENTER: ANNA SOMER
GOUE OUES MUSIEK GOUE OUES MUSIEK - SATERDAG IS TYD VIR ALLES BEKEND
Anna Somer is in 1969 gebore as Anna Sophia Pretorius en het grootgeword in ’n huis waar musiek nog altyd deel van die familie se hart was. Of dit nou om n ou orrel of in ons sitkamer voor die koolstofie was.My pa,gebore in 1920, was reeds 50 toe ek gebore is, terwyl my ma gebore in 1942 net 28 was – en so het ek Anna die voorreg gehad om groot te word met die musiek van die 50’s, 60’s en 70’s, voordat ek self ’n tiener van die onvergeetlike 80’s geword het. Musiek was van kleins af deel van my lewe. My pa kon sewe instrumente bespeel, en die hele gesin kon saam sing – mooi in harmonie, dikwels met Pa se mondfluitjie wat die wysie begelei het.Ek het van jongs af in die kerk, skoolkoor en sangkompetisies gesing. Ek was ook daardie kind wat ure voor die spieël kon staan en sing, asof ek reeds op die radio of groot verhoog was. Ek het liedjies op ’n bandspeler opgeneem en my eie stem teruggeluister – want diep binne-in my het ek nog altyd geweet: eendag wil ek ’n omroeper wees. Een van my groot inspirasies was die laatnag-DJ’s op 5FM. Ek kon ure lank luister na die stemme, musiek en stories wat deur die nag uitgesaai is, en droom dat ek eendag self agter ’n mikrofoon sou sit. Vandag leef daardie droom voort as Anna Somer – ’n vrou met ’n liefde vir musiek,sing, herinneringe en mense. Vir my is radio nie net musiek speel nie; dit is my passie en bediening vir mense en liefde vir musiek, om herinneringe wakker te maak, stories te deel en mense vir ’n paar oomblikke saam te neem op ’n reis deur die musiek van hul lewe.

WhatsApp +27766969190 en gesels saam