19Dec2020

Paarl Taal Monument, Paarl, South Africa

Om die druk op hom te verlig, het Kersvader besluit om solank vooraf ʼn paar geskenke uit te deel tydens ʼn piekniek by die pragtige Afrikaanse Taalmonument op Saterdag, 19 Desember 2020 – Vanaf 5 Nm tot 10 Nm . Gaste is welkom om hul eie piekniekmandjies mee te bring of een vooraf by die OppieBerg Café op 060 382 9938 (R250 per paartjie, R450 per gesin van vier) te bestel. Die kiosk sal ook vir ander eet- en drinkgoed oop wees. Trek warm aan en bring 'n flits asook 'n masker saam. Sien www.taalmuseum.co.za/covid-19/ vir die spesifieke protokolle. Genoeg veilige parkering is beskikbaar. Toegang is slegs R40 per volwassene, R10 per pensioenaris/student en gratis vir kinders onder 18 jaar. Kaartjies is beskikbaar by Computicket en, indien daar nog oor is, by die hek op die dag self vanaf 16:00. Die vertonings begin om 17:00 en Kersvader behoort om 19:00 sy opwagting te maak om geskenke uit te deel,

From 17:00 until 22:00

At Paarl Taal Monument, Paarl, South Africa

Paarl Taal Monument, Paarl, South Africa

R40 P.P. Volwassenes. Kinders R10 per pensioenaris/student Kinders onder 18 jaar oud is gratis

Paarl Taal Monument admin@taalmuseum.co.za / 021 863 0543

Die heerlike program sal om 17:00 afskop met die poppekasvertoning ‘Hentie en die Kersfeeskrisis’ deur Henties waarna Mendl Lategan die kinders sal vermaak met die kuns om beelde uit ballonne te skep. Omstreeks 19:00 sal Kersvader opdaag en geskenke uitdeel voordat die son sak, waarna die ouers en kinders rustig verder piekniek kan hou tot 22:00.
Dié pieknieks op #Paarlberg is baie gewild onder plaaslike inwoners én besoekers, wat veral die sonsondergang en pragtige naguitsig op die valleie, berge en skiereiland geniet. Gaste word aangemoedig om die omgewing te verken en daar is buitelug-speletjies en speelparke vir die kinders. Die piekniekreeks word boonop ten bate van ‘Laat ons Lees!’, die Taalmonument se geletterdheidsprojek vir kinders, aangebied en gaste word aangemoedig om ʼn nuwe of tweedehandse kinderboek ter ondersteuning hiervan te skenk.